ஒரு போனில் இருந்து மற்றொரு போனுக்கு சார்ஜ் செய்யலாம்.. வயர், சார்ஜர் எதுவும் தேவையில்லை!

இப்போது வரும் புதிய ஸ்மார்ட்போன்களில் வயர்லெஸ் சார்ஜிங் வசதியோடு அறிமுகம் செய்யப்படுகிறது. சிறிய தட்டு போன்ற கருவி வயர் மூலம் பிளக்கில் பொருத்தப்பட்டிருக்கும். அந்த தட்டின் மேல் போனை வைத்தால் போதும். காந்தப்புலம் மூலமாக சார்ஜ் ஏறிவிடும். காந்தப்புலம் என்பது Electromagnetic Induction ஆகும்.

இந்த கருவி மின்சாரத்தை காந்தப்புலமாக மாற்றுகிறது. பின்பு, போனில் காந்தப்புலத்தை மின்சாரமாக மாற்றும் நுட்பம் பொருத்தப்பட்டிருக்கும். இதன் மூலம் காந்தப்புலத்தில் இருந்து ஸ்மார்ட்போன் எளிமையாக சார்ஜ் ஏறுகிறது. இதுவே வயர்லெஸ் சார்ஜ் ஆகும்.

இது ஒரு பக்கம் இருக்க, இதே போல், போனில் இருக்கும் சார்ஜை மற்றொரு போனிற்கு மாற்றும் தொழில்நுட்பமும் உள்ளது. இதற்கு ‘ரிவர்ஸ் வயர்லெஸ் சார்ஜ் (Reverse Wireless Charge)’ என்று பெயர். முதன் முதலாக ஹூவாய் மேட் 20 ப்ரோ ஸ்மார்ட்போனில் கொண்டு வரப்பட்டது. பின்னர், சாம்சங் S10+ போனில் வந்தது.